Διδακτικά Βιβλία του Παιδαγωγικού Ινστιτούτου

Αναζήτηση

Βρες
Εμφάνιση

Άσκηση

Διαβάστε μια ιστορία, στην Ποντιακή διάλεκτο και στην απόδοσή της στη Νεοελληνική:

Η Νύφε Η Θοδώρα είχεν έναν γιοσμάν, τον Γοργόρ', απ' εκεί να τερείς ατον… Εθάρ'νεν άμον τ' εκείνον κανείς' κ' εν. Έναν ημέραν ο Γορ-γόρτς εχπάστεν να πάει'ς σο παναΰρ'ς σην Παναίαν Σουμελά. Εκεί ελέπ' έναν έμορ-φον κορίτσ'. Παίρε-τεν και πάει'ς ση μάν-ναν ατ'. Ατέ ξάι' κ' ερέχτεν ατέν. "Κ' εν ατέ για τον Γοργόρ'-ι-μ'" έλεεν. "Εχάθαμε…" Το άλλον πρωί εσ'κώθεν λέει ατεν: - Τ'σάνιξον και μη τ'σανίεις. Σπόγξον και μη σπόγγος. Αν' κ' ευτάς αετσ', α πας' ς ση μάννα σ'. Το κορτσόπον έκατσεν και νουνίζ', εσκά-λωσεν και κλαίει. Έρθεν ο Γοργόρτς, είδεν άτεν να κλαίει. Ορωτά' τεν: - Ντο έπαθες, γιατί κλαις; Άμον ντο είπεν άτον γιατί κλαίει, είπεν άτεν: - Μη φογάσαι, μη κλαις. Ατό εύκολον εν'. Α παιρτς το φορκάλ' και τα σπογγισμένα α σπογγίεις και τα τσ'ανιγμένα α τ'σανίεις. Αρ' εποίκεν αέτσ'. Έρθεν η Θοδώρα κ' ευρήκε-τα αμόν ντο είπεν. Ορωτά' τεν: - Αβούτα πώς έποικες ατα; Για μάγον κύρη ν έχεις, για μάισσαν μάνναν έχεις, για το γιο μ' το Γοργόρ' διαρμενευτήν έχεις. - Νε μάγον κύρην έχω, νε μάισσαν μάνναν έχω, νε τον γιο σ' τον Γοργόρ' διαρμενευτήν έχω. Τ' αχούλι μ' ανεβάζ' με, τ' αχούλι μ' κατήβαζ' με. Και Λισάφ' εν' τ' όνεμα μ'. - Λισάφ, πουλί μ', λέει απ' αβούτο την ώραν να ζεις την ευχή μ' και του Χριστού και του Αβραάμ την ευλοΐαν.